ЗА УЧИЛИШТЕТО

ООУ„Толи Зордумис“ -Куманово се наоѓа во северозападниот дел од градот на улица „Боро Прцан“, бр.38. Својата воспитно – образовна дејност училиштето ја започнува во далечната 1962 год. Со годините прераснува во образовна институција со големо искуство, традиција и изграден имиџ од која излегоа генерации и генерации ученици.

Како воспитно – образовна институција училиштето остварува дејност од посебен општествен интерес, регулирана со Законот за основно образование, пропишана со Наставниот план и програма подготвена од БРО на Р. Северна Македонија и донесена од Министерството за образование и наука.

До 1980 год. училиштето функционира како училишна зграда со приземје и два ката, а од 1980 год. дограден е дел од фискултурна сала, наставничка канцеларија и други придружни простории. Во 1984 год. се изградени спортски терени, а во 2009 год. се уредени трибини и осветлување и како такви служат за изведување на настава по физичко образование како и за организирање на разни воннаставни активности. Училиштето е оградeно и дворот е уреден и озеленет. Во 2012 година во централното училиште се доградени училници во кои сега следат настава ученици од VI до IX одделение на албански наставен јазик. Вкупната работна површина со која располага училиштето е 8710м2.

Од 2007 год. до училиштето се припојува како подрачно училиштето во село Режановце.

Во училиштето има вклучени ученици со ПОП според македонскиот модел на инклузивна практика од учебна 2000/2001год.со Решение на БРО на Р. Северна Македонија бр.03-53/1.

МИСИЈА

Нашето училиште обезбедува услови за креативен развој на учениците и постојано стручно усовршување на наставниците. Промовира  толеранција, разбирање и хумани вредности помеѓу наставниците, учениците и родителите, преку воннаставни активности, почитувајќи и негувајќи ги различните културни вредности.

ВИЗИЈА

Нашето училиште како воспитно образовна средина ќе продолжи да ги следи модерните текови, спроведува интегрирано образование и овозможува услови за постојан индивидуален развој на наставниците и учениците. Обезбедува еднаквост на сите и го негува меѓуетничкото разбирање, почитување и различност преку негување на мултикултурното општество.

Директор на училиштето: Милорад Јордановски